YALGHARE - E - FALASTEEN

Wo ek kaali raat ke saaye mein sub ruk gaya 

Asmaan to rooshnio se bhar gaya mager ghar ujjar gae 

Zindagi bhar ka sab samaan kahi bik gaya

Kahi pairon k nishaan reh gae to kahi deewaron per lahoo jam gaya 

Dekh mere sheher ki sadgi ye duniya mein kitna tanha reh gaya 

Ab bus aafaton ke ambaar barastay hain roz 

Ab na naane bachay hasty hain roz 

Ab ek khauf sub pe tari hai k ab is shehar ke afsane mein agli kis ki bari hai 

Wo apna zameer mar ke humein marty hain roz 

Wo maut ko maut se milaty hain roz 

Wo ab bhi nadan hain jo humei maut se daraty hain roz 

Mere gulshan k chaman mein jo phool khilne thy sub murjha gae 

Jinhay agay barna tha unhai hum kahi dafna gae 

Had to had ye hai k hum khud se khud takra gae

Ab jo dhaal mujh pe hai wo mere kafan ki hai

Maut mile gi mujhe bus khwahish mujhe kafan ki hai 

Tum hazaro situmgar k sung aoo 

Mein tumhe ek muthi se hi napuga 

Ye meri zameen ye mera falasteen hai isay tum yu le nahi saktay 

Kisi k jism se us ki rooh ka fasana tum yu likh nahi saktay

Perwaz o andhi, rooh o nafas mein

Kisi ki zamee tum le nahi saktay duniya ki kashmakash mei 

Hai ek khuda aur hussani hain hum 

Na bhulo k yazidi ab duniya mei reh nhi saktay 

Tumhari soch qatilana hai mujhe ye duniya ko batana hai 

Meri har ek gali se jo nikli hai chekh mujhy wo bhi duniya ko batana hai 

Tum kis qoum se ho ye duniya ne bhi jana hai 

Tum mei hum ho nahi saktay ye duniya ne bhi maana hai 

Na chayro us atish fisha ko jis mein tum reh na sako 

Ghar to choro jism mein bhi tum bus na sako

Hai fasalteen to hain hum or hum hain tou tu reh gaya kaha 

Duniya dhoonde gi tujhe bohut laykin ab na milega tera nishan

Tu ghurorr o takabur ki emarat se girea ga zaroor 

Hum tujh pe chal k falasteen ka jhanda lehraae ye din hoga bhi zaroor 

By Usman Ghani