Qalam

Jo utha lu qalam to bebak likhu 

Agaaz liku ikhtitaam likhu 

Arsh se farsh tak such ki ek lakeer likhu 

Phir us mein zamane ki tehreer likhu 

Phir qalam ki nok se anjuman e aiyaariya likhu 

Zamane ki makariya likhu phir apne anjam ki tayariya likhu 

Saza e dastan likhu Hussain ka malaal likhu

Mein is qalam se barbadio ka ek mazaar likhu 

Kuch do pal k sakoon ki chah likhu

Teri ankho ki shararat se le k tere jaane ki nadamat likhu

Wafae likhu jafae likhu 

Mein mohabbat mein ki gayi sab khattae likhu

Aabaad likhu barbaad e jawani likhu 

Zameer ki her us aatish e qalb ki bezuban faryad likhu

Mei kal ko ajj likhu aur ajj ko kal likhu 

Jo likh saku to mein saza e saari hayat likhu

Jo utha lu qalam mein to saza e makafat e ammal ki bhi baat likhu

Ujre hue lafzon mein, mai jawaani ki har baat likhu

Beete waqt ki nadaniyaan likhu

Ayaz likhu faiyaz likhu ya waqt e nu ki aukat likhu 

Is qalam ki zubani ek saya e yaar likhu 

Phir usay khudgarzi ka sartaj likhu 

Waqt bay waqt ki baat likhu ya zindagi k halaat likhu 

Awargi ka saman likhu ya apni mout ka bayan likhu 

by Usman Ghani